長短髮造型

​直髮加染護

​

長直髮係永遠不死的潮流，無論係咩年紀都會對長直髮有天然的好感。如果想無咁沉實，就可以好似客人咁染上淺栗色，令到成個感覺再溫柔D，另外建議加埋Hair Kingdom的皇牌B5焗油服務，令長直髮更有光澤感。

造型加染髮

​

​到左春天係時候換個新造型，感受下新氣息。雖然話要換新造型，但又唔想太大改變? 咁就可以參考下以上客人的造型，修剪左頭髮，增加頭髮的層次，全頭染上栗棕色，再加上髮型師設計的曲髮造型，成個人都煥然一新，但又無太大膽的改動，靚左之餘又唔會唔習慣新形象。

中長髮造型及染髮

​

長直黑清純風行耐左，覺得悶又唔想剪太短? 不妨好似呢位客人咁嘗試下日韓溫柔風，長瀏海配上層次明顯的中長髮，再染淺埋髮色，成個人都輕盈哂。

短髮造型

​

唔知大家會唔會一到夏天就想剪短頭髮? 如果有呢個諗法，Hair Kingdom髮型師就強烈推薦呢款短髮! 面層係較長的層次，方便打理又有型，而內部層次會較短，由於俾面層的長層次覆蓋，唔會難打理之餘，仲會打造到自然的立體頭形。

中短髮造型

​

有唔少客人想試下短髮，但又驚唔適合自己，又怕唔小心剪太短。咁Hair Kingdom髮型師就推薦呢個造型，係唔少客人的初試短髮造型的首選。呢個造型屬於中短長度，大約係下巴位置，唔會太短又可以修飾面形，而空氣感十足的瀏海都可以提升溫柔氣質。

中長髮造型及染髮

​

​秋冬季最適合就係染個靚髮，為自己換個新形象!如果唔想染D太突出的顏色，不妨好似呢位客人咁上段染栗子啡，髮尾就染小小紫棕色，再配上長瀏海同層次感十足的造型，雖然低調但依然不失型格。

​

短髮造型

​

呢位客人想嘗試短髮，而髮型師就根據客人的面形，生活習慣同性格就推薦呢款比較斯文同溫柔的短髮造型。呢款短髮造型層次比較多，可以完美地修飾頭形，而且因為層次多，亦令造型​多出幾分空氣感。